Jeugprins Benjamin I

Hallo miense,

Gaer will ich mich effe aan uch veursjtelle.

Ich bön Benjamin Linssen, gebaore op 9 mei 2014 in Remunj. Ich woon bie mien mam same mit grote zus Esmée. Ich bön ouch heel döks bie miene pap en Tessa en sinds kort höb ich d’r dao ein leef zusje bie det Jade hit.

Vanaaf de daag det ich gebaore bön, bön ich al lid van vastelaovesvereiniging de Kaketoes en pap en mam höbbe mich van kleins aaf al mitgenaome in de vastelaovend. Hiedoor höb ich kinne preuve wie det ’t d’r mit die daag aan toe geit en verkleide ich mich al döks es prins. Noe kump miene druim oet en moog ich ’t echte prinsepak van de Kaketoes aan, veurop gaon in de polonais en sjpringe oppe bühne, waat sjiek!

Op basissjool Willem de Zwijger bön ich te vinje in groep 6, same mit adje Vik. Voetballe doon ich biej SVC, drie keer in de waek in team JO11-1 es middevelder. Verder zjwum en game ich gaer, mer ouch bön ich döks boete aan ’t sjpele en loester ich muziek.

Ich bön supertrots det ich nao miene opa, aad-prins Koos I (1999) en miene pap, aad-prins Mark I (2014) de derde prins in ós femilie bie dees prachtige vereiniging moog zeen.

Same mit mien adjudante Bo, Vik en D-Jay gaon vee d’r ein sjiek sezoen van make en d’r flink taege aan mit oze liefsjpreuk:

Deze vastelaovend gaon veer score..!

Toet sjnel!

Jeugprins Benjamin I

Extra: Loester hie de sjlager (MP3).

Jeugprins Benjamin I