Jeug Adjudante

Beste Kaketoes,

Gaer wil ich mich op dees kleurrieke pagina in de Kaketoegezet efkes aan uch veursjtelle. Ich bön Britt Kerkvliet.Ich bön 12 jaor en woonachtig in ‘t riek van de Donderböl.

Ich gaon nao sjool aan de Kepel, nao de Synergiesjool. Dao höb ich Evy lere kinne en sindsdeen zeen veer ouch de beste maatjes en vriendinne.

Ich bön de jóngste dochter van aad-prins Michael en aad-wienkeuningin Christel van vastelaovesvereiniging de Veldjmuus, dus ‘t vastelaovesblood zit d’r bie mich waal in.

Same mit prinses Evy en adjudant Gino gaon veer d’r same ein sjoon en onvergaetelik sezoen van make.

Groetjes van adjudante Britt


Hallo allemaol,



Ich bön Gino Wolters. Ich bön ellef jaor en zit op basissjool de Neerakker in Heytse. Ich woon mit mien mam in Baoksum en mit miene pap in Heytse. Det kump omdet mien elders gesjeije zeen.

Ich höb ein zöster, det hit Jaiza en is 15 jaor. Bie miene pap höbbe veer twee katte en vèsse. Bie mam höbbe veer gein hoesdiere.

In miene vrieje tied zit ich op voetballe. Ich sjpeel in de JO13-2 van SV Heytse en bön dao keeper.

Ich bön eine echte vastelaovesvierder, dus ich vinj ‘t geweldig sjiek det ich adjudant van jeugprinses Evy van vastelaovesvereniging de Kaketoes moog zeen. Evy is mien sjteefzöster. ‘t Wis det ich vastelaovend héél sjoon vinj. Ich bön heel blie det ‘t mich gevraog haet om adjudant te zeen. Toen ‘t mich vroog kós ich ouch mer ein dink zègke; JAO!

Veer gaon d’r same ein sjoon sezoen van make, same mit de Kaketoes.

Groetjes,
Adjudant Gino

Adjudant Britt
Adjudant Britt
Adjudant Britt
Adjudant Gino
Adjudant Gino
Adjudant Gino