Veurwaord Veurzitter en Vórs

Veer heite uch van herte wilkóm op de website van Vastelaoves- en Ontsjpanningsvereiniging De Kaketoes oet Remunj.

Op dees pagina's kint geer van alles bekieke en laeze euver de Kaketoes, van 't rieke verleje toet alles waat d'r noe gebeurd. Veer raoje uch aan dökser ins trök te kómme, want d'r waerd door versjillende miense hel aan gewirk óm dees site zo actueel wie meugelik te haje.

Daobie haope veer uch ouch ins boete 't Waereld Wieje Web gojen daag te moge zègke op ein van ós aktiviteite of zo mer ins eine keer. Wo en wanneer, det kint geer in 't program laeze.

Mit de vruntjelikke vastelaovesgroete,

Helmut Frenken (veurzitter)
Marc Allers (vórs)

Foto: Wilco Allers