Aad Iezeractie
Mit aad iezer boewe veer aan de vastelaovend!
De Kaketoes haje twee keer per jaor (in principe de lètste zaoterdaag van meert en september) ein aad-iezeraksie om de aktiviteite van ós vastelaovesvereiniging te óngersjteune. Mit dees aksie drage veer neet allein bie aan hergebroek van materjaal, mer creëre v’r ouch ekstra meugelikhede om sjoon vastelaovesaktiviteite in de wiek te organizere.
Tiedes de aad-iezeraksie haole leje van de Kaketoes gratis aad iezer, metale en gebroek of defect witgood (behalve ieskès en vrezers) op. De inzameling vindj veurnamelik plaats in de omgaeving Kepel en Kemp.
Wilt geer det de Kaketoes ’t aad iezer of metaal bie uch kómme ophaole? Den kint geer dit veuraaf aanmelje via de websait. Op dees meneer kinne v’r de route effisjent planne en zórge veer d’r veur det alles soepel verlöp.
Daonaeve besjteit ouch de meugelikheid om aad iezer en metale zellef te bringe. Hieveur waerd eine container geplaats oppe perkeerplaats naeve ’t gemeinsjapshoes ’t Sjoolpaad, wo geer eur materjaal kint inlevere.
De volledige opbrings van de aad-iezeraksie kömp ten goede aan de vastelaoves-aktiviteite die de Kaketoes organizere veur jónk en aad. Dink hiebie aan de ivvenemente, optoch en anger vastelaoves-aktiviteite die zórge veur verbinjing en plezeer in de wiek.
Mit eur biedrage help geer mit om de vastelaoveskultuur laevend te haje. Alvas hertelik dank veur eur sjteun!