Frikkedelle Vriedaag
Gein thema te gek, gein frikkedel te väöl!
Frikkedelle Vriedaag, dé tradisjonele en geleefde aaftrap van de vastelaovesdaag bie de Kaketoes. Eine aovend wo de frituur gloejt, de meziek aansjteit, artieste op de plank sjtaon en ’t feesgeveul metein op stendje volle bak geit. Eine aovend wo op alles samekump waat vastelaovend zo sjoon maak: plezeer, meziek, ein good glaas beer of get angers en netuurlik…frikkedelle. Héél väöl frikkedelle!
Waat Frikkedelle Vriedaag extra biezónjer maak, is det eder jaor ein anger thema centraal sjteit. Van oetbundig en kleurriek toet lekker fout of verrassend kreatief. ’t Thema zórg eder jaor opnuuj veur eine unieke sfeer en de meis orzjenele outfits. Bezeukers waere oetgedaag om verkleijd te óomme en same ’t thema toet laeve te bringe, waat zórg veur eine aovend vol lol, sjpas en verrassinge.
Frikkedelle Vriedaag is ‘t moment om same op te wèrme veur vastelaovend. Of dets se noe eine doorgewintjerde Kaketoe-feester bös of det se veur ’t eers binnelöps: ederein is welkom. De meziek sjteit aan, de lach is nooit ver weg en de vastelaovessjtumming zit d’r metein good in.
Doot dien kostuum aan, naem dien good humeur mit en vier mit ós ’t begin van ein paar onvergaetelikke vastelaovesdaag.
Frikkedelle Vriedaag: plezeer, ongekompliseerd en typisch Kaketoes!