Kienjermiddaag
Kleine Kaketoes, groot vastelaoves-plezeer!
De kienjermiddaag is ’t vastelaovesfees, sjpesjaal veur de jóngste vastelaovesvierders. Eine middaag wo-op de kienjer centraal sjtaon en op häör eige meneer kinne genete van alles waat de vastelaovend zo sjoon maak.
Op de zaoterdaagmiddaag, ein waek veur de vastelaovend, verangert ’t Sjoolpaad in ein kleurrieke feeslokasie. De zaal vult zich mit lachende gezichte, feestelikke meziek en ein gezellig pergram vol sjpelle, aktiviteite en leuke optraejes. Alles is d’r op gerich om de kienjer eine onvergaetelikke middaag te bezórge.
Same mit de veurgengers van de Kaketoes viere de kienjer häör eige vastelaovesfees. D’r waerd gedans, gezónge en netuurlik volopp plezeer gemaak. In häör sjoonste, grappigste of kreatiefste outfits belaeve de kienjer de vastelaovend zo es ’t bedoeld is: same, onbezórg en mit eine hele grote glimlach.
De kienjermiddaag is al jaore ein vaste en geleefde tradisie binne de vereiniging en ein feest wo jónk en aad nao oetkiek. Eine perfekte sjtart van de vastelaovend veur de jóngste Kaketoes en alle angere vastelaovesleefhöbbers!