Vastelaovesplein

Zodra ’t vastelaoveszóndaag is, wit ederein ein dink zeker: ’t Vastelaovesplein is dé plek wo det se mós zeen. In ’t Sjoolpaad kump alles same waat vastelaovend zo biezónjer maak. Geine haos, gein verplichtinge  - allein plezeer, sjaele zeiver en pure gezelligheid. 

Vanaaf ’t moment det se binne löps, veuls se de sfeer. Meziek klink door de zaal, miense zinge mit, d’r waerd gedans en gelache. Euveral ontsjtaon gesprekke, aje bekinde treffe mekaar weer en nuuj herinneringe waere gemaak. Dit is sjaele zeiver op zien bes: sjpontaal, wèrm en vol plezeer. 

’t Vastelaovesplein is daonaeve de geleaegeheid om sjtil te sjtaon bie de veurgengers van de Kaketoes en häör gezelsjap. In ein aope en feestelikke setting kriege zie de fillesetasies die ze verdene, midde tösse de vastelaovesvierders. 

’t Vastelaovesplein is toegankelijk veur ederein. Of se noe aeve binne löps of de ganse middaag bliefs hange, doe heurs d’r metein bie. Same viere veer de vastelaovend -  ongedwónge, verbinjend en typisch Kaketoes.