De Dames
Meistal in 't blauw en zelje sjtil
De dames höbbe ein vaste plek binne de Kaketoes en zeen neet te mísse, herkinbaar aan häör blauwe jèskes mit ’t blome-motief. Mit häöre lach, entoesjasme en gezelligheid make zie edere aktiviteit net ’n sjtökske sjoner. Mit häör aanwezigheid bringe zie sfeer, kleur en gezelligheid binne ós vereiniging en drage zie op häör eigen meneer bie aan ’t vastelaovesgeveul.
Bie de gezelligste ivvenemente en aktiviteite zeen de dames altied van de partie. Of ’t noe geit om optochte, resepsies, feesjes of anger samekómste: ze drage aktief bie en zörge mithäör inzat veur ein gooje sfeer en ein wèrm welkom. Same make ze vastelaovend tot ’n fees väör ederein.
En es ’t vastelaovessezoen veurbie is? Dan blieve de dames neet sjtilzitte. Dan gaon ze d’r op oet veur sjone oetsjtèpkes en gezellige samekómste, wo gelache waerd, herinneringe waeregemaak, De dames van de Kaketoes: altied in veur gezelligheid, ’t ganse jaor door!