Jeugprinses Evy I

Hoi allemaol,

Miene naam is Evy Meuwissen, ich bön gebaore in Remunj, op donderdaag 12 juni 2008.

Ich höb ein zus, Anne, die is al 16 jaor, mer waerd net veur de vastelaovend 17.

Ich woon óf bie mam oppe Deken Rhoensjtraot in Remunj, óf bie pap oppe Elzenlaan in Berg.

Miene pap, Roy Meuwissen, woont dao same mit zien vriendin Elaina en häöre hondj Sammy.

Bie mien mam, Anja Kassebaum, wone veer mit z’n drietjes en soms mit zien zesse. Want mam haet eine vrundj, Sven, mer ze wone neet same. Sven woont in Heytse en haet ouch twee kienjer, Jaiza en adjudant Gino.

Ich zit in unit 4 van de Synergiesjool en dit is mien letste jaor! Mien levelingsvakke zeen de creatieve vakke, zo es teikene en knutsele, mer ouch raekene. Ich haaj minder van topografie en kernconcepten.

Miene pap werk bie Unilever en Elaina werk in de zórg.

Sven werk in de keukebranche en mam werk ouch in de zórg, ze geit nog nao sjool om det te lere.

Op fekansie gaon ich ’t leefs nao Oosteriek, mer veer zeen ouch al nao Italië, Kroatië, Ingelandj, Duitslandj, Frankriek en Hongarije gewaes.

In miene vrieje tied doon ich gaer teikene en bön ich aan ’t oefene mit sjmienke. Ich kin al ech gooj sjniejwónje make mit nepblood. Ouch kiek ich väöl Youtube filmkes, daovan leer ich det sjmienke. En ich maak mit mien vriendinne gaer tiktok’s. Verder gaon ich gaer wanjele in ’t bos. Ich zit neet bie ein vereiniging omdet ich gaer toes bön bie pap of mam.

Ich höb heel väöl zin om de jeug van de Kaketoes veur te gaon, same mit mien adjudante.

Toet sjnel,

Jeugprinses Evy I

Foto: Hans Sweegers, Heel

Extra: Loester hie de sjlager (MP3).

Extra: Bekiek hie de teks van de sjlager.

Jeugprinses Evy I
Jeugprinses Evy I
Jeugprinses Evy I
Jeugprinses Evy I