Program 2010
ALGEMEIN
De leiding tiedes 't oettrekke ligk bie de Vórs, Marc Allers en biej
't aanwezige besjtuurslid. Om 't ein en anger volges plenning te laote
verloupe, waerd eederein geach tiedig op de vermelje tiedsjtippe aanwezig te
zeen en neet ein "Remunjs Keteerke" aan te haaje!
VRIEDAAG 8 JANNEWARIE
Lejevergadering óm 20.11 oer biej Kefee Parkzicht. Aansjloetend bezeuke veer 't Prinsoetrope van KV Koelbertus in 't Gemeinsjapshoes. Alle leje in uniform!
ZAOTERDAAG 9 JANNEWARIE
's Morges geit de techniek de zaal opboewe veur 't Matinee, alle hulp is welkom! Letste daag van ZDH Prins Rob I en zien adjudante, veer kómme 's aoves óm 20.00 oer biejein bie Kefee Parkzich.
ZONDAAG 10 JANNEWARIE
Vanaaf 13.15 oer zal Prins Rob I van zien waerdighede waere ontdaon, daonao gaon veer beginne aan 't grote sjpeel van de nuuje Prins. Zorg det geer d'r zeet! Naodet veer gesamelék de zaal höbbe laeggeruumd gaon veer nao 't Kaketoepelies, wo de nuuje Prins van de Kaketoes aan uch veurgesjteld waerd (20.00 oer).
MAONDAAG 11 JANNEWARIE
óm 10.00 oer kómme veer biejein in 't Gemeinsjapshoes óm de zaal te poetse. Leje die neet kinne, motte zich aafmelde biej de sikkertaris Eric Quicken.
MAONDAAG 11 T/M VRIEDAAG 15 JAN.
Gezette verkaup aan Kapel, Kemp & Kitskesberg. Via eur groepsleiders waerd geer nader geïnformeerd.
ZAOTERDAAG 16 JANNEWARIE (BUS)
Vandaag gaon veer wirke tiedens 't Verkesbal in 't Gemeinsjapshoes. Ein delegasie mit dames kump òm 19.00 oer biejein biej 't Kaketoepelies en geit nao de resepsie van De Hoafgengers (20.00 oer) en De Waterratte (22.00 oer).
ZONDAAG 17 JANNEWARIE
Vandaag gaon veer 't Gemeinsjapshoes poetse (10.00 oer). 's Middaags verzamele veer óm 15.00 oer veur de recepsie van VV De Donderböl (16.30 oer).
VRIEDAAG 22 JANNEWARIE
Ein delegasie geit nao 't Brand beersjtaeke in Wijlre.
ZAOTERDAAG 23 JANNEWARIE
Veer gaon nao de resepsie van KV Koelbertus (22.30 oer). Biejein kómme óm 20.00 oer in Aad Remunj. éers gaon veer de Prins veursjtelle in de Kefees in ós Riek.
ZONDAAG 24 JANNEWARIE
(OVB 13.00oer) Nao de jubileumreceptie van de Plekkers in Merum, aansjloetend neudigt de Prins oet biej 't Kaketoepelies (15.00 oer).
DINSDAAG 26 JANNEWARIE
Camillus, veer gaon de Prins(es) oetrope, verzamele óm 18.30 oer in huize Camillus.
ZAOTERDAAG 30 JANNEWARIE
Nieks, nada, noppes!
ZONDAAG 31 JANNEWARIE (BUS)
's Middaags verzamele veer óm 13.00 oer veur de recepsie van VV De Tuinhagedisse (14.30 oer), daonao gaon veer get heilige huuskes bezeuke.
MAONDAAG 1 T/M VRIEDAAG 5 FIBBERWARIE
Enveloppe-aksie in 't Kaketoeriek, informasie volgt via de groepsleiders.
ZAOTERDAAG 6 FIBBERWARIE
's Middaags is òm 14.00 oer 't Kienjersjpektakel in 't Sjoolpaad. 's Aoves gaon veer nao de resepsie van òs vrunj van de Kitsuule (21.00 oer). Biejeinkòmme òm 20.00 oer biej 't Kaketoepelies, daonao nao de 2x11 receptie van 't Kepels Kepelke bie Aad Remunj.
ZONDAAG 7 FIBBERWARIE (BUS)
Vandaag gaon veer nao Kirk veur de jaorlikse Dialectmés (11.30 oer). Biejein kómme óm 10.30 oer biej 't Kaketoepelies. Aansjloetend gaon veer ein breudje aete (12.30 oer). Via eine omwaeg (Postert) gaon veer op resepsie biej VV De Veldjmuus (17.00 oer) en de Dollemenkes.
MOANDAAG 8 FIBBERWARIE
De jaorlikse benefietaovend "Blauwe Maondaag" biej de Appelsienerie sjteit op 't program. De opbrings van deeze aovend is besjtump veur ein good doel. Biejein kómme óm 19.45 oer biej 't Kaketoepelies.
DINSDAAG 9 FIBBERWARIE
Vandaag bezeuke veer 't Prinsetreffe in de Appelsienerie. Biejein kómme óm 19.30 oer biej 't Kaketoepelies.
GOONSDAAG 10 FIBBERWARIE
Pappelhofbal. Biejein kómme óm 20.00 oer in 't Gemeinsjapshoes. Let op: Hiej waerd eederein verwach!
VRIEDAAG 12 FIBBERWARIE
SJOOLE VASTELAOVEND.
Euverdaag bringk ein delegasie ein bezeuk aan de sjoole. 's Aoves kómme veer biejein óm 20.00 oer biej 't Kaketoepelies, wao veer 't klöppelebal, of waat ze angers bedach hòbbe van VV 't Löp Neet biej-wone.
VASTELAOVESZAOTERDAAG 13 FIBBERWARIE
Óm 09.00 oer kómme veer allemaol in 't Kaketoepelies biejein, waonao veer de Machseuverdrag op 't Sjtadhoes bezeuke (10.00 oer). 's Aoves kómme veer óm 18.00 oer biejein biej 't Kaketoepelies. Óm 19.00 oer zeen veer aan de beurt biej VV De Katers in Neel, daonao zeen veer gasheer op ós eige Kaketoebal in Kefee Aad Remunj.
Doot röstig aan euverdaag, dan kinne veer ós 's aoves ouch nog fatsoenlik prizzentere.
VASTELAOVESZONDAAG 14 FIBBERWARIE
Veer motte vreug oet de vaere want veer kómme óm 9.15 oer biejein biej Kefee Parkzicht óm ein bezeuk te bringe aan de Prinseresepsie van VV De Nachtegaale (10.30 oer). Daonao gaon veer ein lekker hepke aete biej Kefee Aad Remunj. Om 14.00 oer sjtart ós eige Prinseresepsie in 't Gemeinsjapshoes. Naodet veer nao aaflaup same de rotzooi in de zaal höbbe opgeruumd kinne veer ós de bein sjtrekke.
VASTELAOVESMOANDAAG 15 FIBBERWARIE
Kómme veer óm 11.00 oer in 't Kaketoepelies biejein. Gesamelék trekke veer nao Braam veur de receptie mit d'n Uul, daonao gaon veer ós prizzenteere aan Groot Remunj. Aansjloetend is Sjiepsebal biej Aad Remunj. Naodet de prins mit de kinjer haet gesjpeeld, haet eederein de rest van de aovend vriej.
VASTELAOVESDINSDAAG 16 FIBBERWARIE
Óm 11.11 oer waerd aad prins Rob I in Kefee Aad Remunj opgenaome in de Bondj van Aad Prinse.
Veer verzamele in uniform óm 13.30 oer biej 't Kaketoepelies. 's Middaags Boeredinsdaag mit óm 14.30 oer de optoch van 't Boerebroedspaar en Kienjeroptoch (opsjtelle aan de Parklaan) mit aansjloetend de verbinjing in de onech oppe trappe van de Pappelhof en de resepsie in Kefee Aad Remunj. Óm 17.30 oer Tribunaal in Kefee Aad Remunj en aansjloetend waerd de Heks verbrandj oppe Galgeberg. Óm 19.30 uur kump eederein weer biejein in Kefee Parkzicht. Óm 23.11 oer waerd in 't Kaketoepelies de Prins van zien waerdighede ontdaon en besjloete veer 't sezoen 2009/2010.
ASGOONSDAAG 17 FIBBERWARIE
Óm 11.00 oer kómme veer biejein in 't Gemeinsjapshoes óm de zaal te poetse. Leje die neet kinne, motte zich aafmelde biej de sikkertaris Eric Quicken.
's Aoves Assekruuske haole (19.00 oer Kirk) en dan Heringsjelle aan de Kepel. Verzamele óm 18.45 oer biej de Kepel.
't is gedaon, 't is gedaon...